Sovetlər Birliyi dövründə əhəmiyyətli strateji obyektlərin olduğu bir neçə şəhərə giriş-çıxış qadağan edilmişdi.
Zareçnı məhz bu şəhərlərdən biridir.
Mənbələrdə olan məlumata görə, SSRİ dövründə hətta bu şəhərin adı xəritəyə də salınmamışdı.
Movqe.Az axar.az-a istinadən bildirir ki, ətrafı tikanlı məftillərlə bağlanan şəhər uzun illər heç bir qonaq qəbul etməyib. Şəhər əhalisinin digər şəhər sakinlərinə məktub göndərmə istəyi də giriş-çıxışın bağlı olduğundan problemə çevrilmişdi.
Lakin SSRİ-nin 1991-ci ildə dağılmasından sonra Zareçnı də digər strateji əhəmiyyət daşıyan qapalı şəhərlər kimi dünyaya qapılarını açdı. Artıq bu şəhərə xarici qonaqlar və digər şəhər sakinləri rahatlıqla gedib-gəlməyə başladı.
Maraqlısı budur ki, şəhərin qapılarını açması ilə əhalinin böyük
hissəsi şəhərdən uzaqlaşdı. 1986-cı ilin statistik göstəricilərinə
görə, təxminən 1 milyon adamın yaşadığı şəhərdə hazırda 62 min
insan var.