Fevralın 13-dən Qərbi Afrikada Ebola virusundan 100 nəfər ölüb, xəstəliyə 183 nəfər yoluxub. Movqe.az xəbər verir ki, bu barədə Ümumdünya Səhiyyə Təşkilatının (ÜST) növbəti açıqlamasında bildirilir. Liberiyada ölənlərin sayı 3 900-ə, ölümcül virusa yoluxanların sayı isə 9 007-yə çatıb. Xəstəliyə ən çox yoluxma halları Syerra-Leonedə qeydə alınıb – 11 074 nəfər,  3 401 nəfər ölüb. Qərbi Afrikanın digər ölkəsi Qvineyada 3 101 nəfər xəstəliyə yoluxub, 2 052 nəfər ölüb. Bu üç ölkədən başqa təhlükəli virus daha 6 ölkədə - Mali, Nigeriya, Seneqal, İspaniya, Böyük Britaniya və ABŞ-da qeydə alınıb.