Bakıda 6 nəfər buzda sürüşərək xəsarət aldı
Paytaxtda qarın yağması Bakı Şəhər Təcili
Təxirəsalınmaz Yardım Stansiyasına (TTYS) xəsarətlə bağlı edilən
müraciətlərin sayını artırıb. Bu məlumatı Movqe.az-a TTYS-nın baş həkiminin
müavini Oqtay Şahmalıyev verib.
O.Şahmalıyev deyib ki, təcili yardıma hava şəraiti ilə bağlı
müraciətlər 5 faiz artıb: "Adi günlərdə sutkada 1800 müraciət daxil
olurdusa, ötən sutka bu müraciətlərin sayı 1900-ə çatıb".
O. Şahmalıyev bildirib ki, hava şəraiti ilə bağlı 6 nəfər qarda sürüşərək xəsarət aldığından TTTYS-a müraciət edib: "Onlardan 4-nə hospitalizasiya edilib. 2-nə isə yerindəcə tibbi xidmət göstərilib".
O. Şahmalıyev ehtiyac olmadığı hallarda yaşlı insanların, hamilə qadınların və əli uşaqlı qadınların bayıra çıxmasının məsləhət görülmədiyini deyib.