Ziyafət Əsgərov: “Qarbaçov kimi şəxsiyyətsiz, ləyaqətsiz, alçaq insanlar...”
Parlamentin bu gün keçirilən plenar iclasında
çıxış edən Milli Məclisin deputatı Yevda Abramov Böyük Vətən
Müharibəsi zamanı göstərdiyi şücaətə görə Bakıya "Qəhrəman şəhər"
statusunun verilməsi barədə təklif edib. Movqe.az-ın məlumatına
görə, Milli Məclis sədrinin birinci müavini Ziyafət Əsgərov
deputatın bu təklifini yüksək qiymətləndirib. Z. Əsgərov deyib ki,
əslində Böyük Vətən Müharibəsinin qalibiyyətlə başa çatmasında Bakı
neftçilərinin rolu böyük idi: "Təəssüf ki, M.Qarbaçov kimi
şəxsiyyətsiz, ləyaqətsiz, alçaq insanlar Bakıya bu adı verməkdənsə,
bizə Dağlıq Qarabağ, Qanlı 20 yanvar, Xocalı Soyqırımı kimi böyük
problemlər qoyub getdi. Bir faktı da qeyd edim ki, uzun müddət
əvvəl spiker Oqtay Əsədov Narişkinin qarşısında bu məsələni
qaldırmışdı. Hərhalda bu məsələnin həlli Rusiyadan asılıdır. Yəni,
bu məsələ kifayət qədər müzakirəyə çıxardılıb".
