Azərbaycan Ağsaqqallar Şurası  Xocalısoyrımının 23-cü ildönümü ilə əlaqədar "Xocalı" abidəsi  önündə anım tədbiri keçirib. Movqe.az xəbər verir ki, Azərbaycan Ağsaqqallar Şurasının rəhbərliyi bəşər tarixinə öz vəhşiliyinə və qəddarlığına görə ən qanlı kütləvi terror hadisəsi kimi düşmüş Xocalı soyqırımının törədilməsindən 23 il ötdüyünü, illər keçsədə bu faciə ağırlığı, dəhşəti ilə digər cinayətlərdən fərqləndiyini dilə gətirib. Azərbaycan Ağsaqqallar Şurasının rəhbərliyi, sədr müavinləri, tibb elmləri doktoru, akademik Südeyf İmamverdiyev, akademik Teymur Bünyadov, İşlər müdiri Yaqub Meydiyev, Cavanşir Qasımov, Abşeron rayon Ağsaqqallar Şurasının sədr müavini Həmid Hacıyev və şuranın digər üzvləri, Azərbaycan Ağsaqqallar Şurasının həftəlik mətbu orqanı olan "Türk Dünyası Ağsaqqalları" qəzetinin Baş redaktoru Ramin Əhmədov, Baş redaktorun müavini Şərafət Şəfa, redaktor Qadir Əliyev, məsul katib Cəfər Quliyev, xüsusi müxbir Turan Hacıyeva Xocalı faciəsinin acı taleyini özündə təcəssüm etdirən "Ana və uşaq" heykəlini ziyarət ediblər. Heykəlin qarşısına böyük ehtiramla əklil qoymuş, tər çiçəklər düzmüşlər. Hər il olduğu kimi bu il də Azərbaycanda, eləcə də dünyanın hegamon dövlətlərində, - Türkiyə Cumhuriyyətində, Amerika Birləşmiş Ştatlarında, Fransada, Böyük Britaniyada, Yaponiyada, Kitayda, Rusiya Federasiyasında, Hollandiyada və digər ölkələrdə fəaliyyət göstərən Azərbaycan diospora təşkilatları Xocalı soyqırımının ildönümü ilə bağlı silsilə tədbirlər keçirmişlər və Xocalı faciəsini dünya xalqlarının diqqətinə bir daha çatdırmışlar: " Dünyada bənzəri olmayan Xocalı faciəsi bəşəriyyət tarixində görünməməş hadisədir. Erməni faşistləri Xocalı hadisələri zamanı uşağa, qocaya, qadına belə rəhm etməmiş, günahsız insanları amansızca qətlə yetirmişlər. Lakin dünyanın bəzi ölkələri bu hadisələrə çox təssüflər olsun ki, ikili standartlardan yanaşırlar, ədalətin gözünə düz baxmaq istəmirlər. 26 Fevral 1992-ci il tarixində rus - erməni qoşun birləşmələri Xocalı şəhərini amansızcasına darmadağın edərək, Dağlıq Qarabağın və ətraf rayonların işğal olunmasına zəmin yaratdı.Bu hadisə o zaman hökumət nümayəndələri tərəfindən dəstək almayan milis işçilərinin silahları əllərindən alınmış,yerli əhalidən ov tüfəngləri belə əllərindən alınmış, bu da yerli əhalidə bir ruh düşgünlüyü, süsgünlük yaratmışdır. Azərbaycan xalqı Xocalı faciəsinin törətdiyi dəhşətlərin ağrı-acısını yaşadı və zaman- zaman yaşayacaq. Ermənistanla sərhəd rayonlarda və Dağlıq Qarabağda sakinləri öz el-obalarını balta, dəhrə, yaba və ağaclarla silahlanaraq gecə-gündüz dağlarda, soyuqda, qarda, boranda keşik çəkirdilər. Bizim xalqımızın faciəsi üzərində ikinci dövlət qurmaq istəyən ermənilər bütün vasitələrdən istifadə edərək, Qarabağ torpaqlarına sahib çıxmaq istəyirlər. Hansısa bir dövlətdə hansısa bir erməninin dost -tanışı, məmur və yaxud nazir, dövlət başçısı olsa ermənilər elliklə bu tanışlıqdan bəhrələnməyə çalışırlar. Yalnız öz ölkələrinin mənafeyi naminə belə addımlar atırlar, var-dövlətlərindən, şəxsi gəlirlərindən keçirlər. Bu hal istər Rusiya Federasiyasında, istər Amerika Birləşmiş Ştatlarında, istərsə də Fransada olsun onlar üçün heç bir fərqi yoxdur. Ataların bir misalı bu yerdə yada düşür: "Haqq incələr ancaq üzülməz". Xocalı faciəsi gec-tez öz qiymətini alacaq və ədalət qələbə çalacaq. Dünya xalqlarının əksəriyyəti haqqın, ədalətin tərəfində olduqlarını bəyan edirlər və bundan sonra da haqq -ədalət tərəfində olan xalqların, dövlətlərin sayı artacağına inanırıq".