Cənubi Koreyada zina artıq cinayət hesab olunmayacaq.

Movqe.az Publika.az-a istinadən xəbər verir ki, Cənubi Koreya məhkəməsi zinanın cinayət hesab olunmayacağı barədə qərar verib.

Zina edən şəxslərə verilən iki ilə qədər həbs cəzasını nəzərdə tutan qanun ləğv edilib. Məhkəmə qanunun "şəxsi həyata müdaxilə" olduğu qənaətinə gəlib.

Son altı ildə zinaya görə, təxminən 5500 nəfər iki ilə qədər həbs cəzası alıb. 1985-ci ildən indiyə kimi eyni cinayət əməlinə görə cəzalandırılanların sayı isə təxminən 50 min nəfərdir.