Rusiyanın Qaraçay-Çərkəz Respublikasında güclü leysan yağışları ciddi fəsadlar yaradıb."Qafqazinfo" Rusiya KİV-nə istinadən xəbər verir ki, güclü yağışların yaratdığı sel suları kəndləri basıb, qarşısında keçən hər şeyi yuyub-aparıb. Bir nəfərin öldüyü, iki nəfərin isə zədə aldığı bildirilir. Muxtar Respublikada fövqəladə vəziyyət elan edilib. Hadisə keçən həftənin sonu baş versə də, oradan çəkilən görüntülər yeni əldə edilib.