Tələbə Qəbulu üzrə Dövlət Komissiyasının cari ilin məzunları üçün iyulun 14-də I və IV ixtisas qrupları üzrə keçirdiyi qəbul imtahanının nəticələri bu gün axşam saatlarında elan olunacaq. Komissiyadan Trend-ə verilən məlumata görə, nəticələr elan olunduqdan sonra abituriyentlər öz imtahan nəticələri ilə TQDK-nın internet saytında və ya iş nömrəsini 7727 nömrəsinə göndərməklə tanış ola biləcəklər.