"Metronun stansiyalarda, platformalarında, vestibüllərdə, eskalator yolunun divarlarında reklamlar yerləşdirilsə də vaqonların içində reklamlar olmayacaq". BunuAzVision.az-a "Bakı Metropoliteni" QSC-nin Mətbuat xidməti və ictimaiyyətlə əlaqələr şöbəsinin rəisi Nəsimi Paşayev deyib. O, bildirib ki, Metropolitendə reklam roliklərinin yerləşdirilməsinə bir müddətdir ki, başlanılıb. Hətta bəzi şirkətlərin reklamları stansiyalarda da yerləşdirilib. Nəsimi Paşayev qeyd edib ki, reklam vermək istəyən şirkətlər müvafiq struktura müraciət edir: "Vasitəçi olmadan birbaşa reklam verən müəssisə isə Bakı Metropoliteni ilə müqavilə bağlayaraq öz reklamını yerləşdirə bilir".