Movqe.az xarici mediaya istinadən xəbər verir ki, bununla bağlı Makedoniya Daxili İşlər Nazirliyi açıqlama verib. Bildirilir ki, ölkənin cənub sərhədində təzyiqinin artması və Yunanıstandan gələn miqrasiyanın genişlənməsi fövqəladə vəziyyətin elan edilməsinə zərurət yaradıb.  Daxili işlər naziri Mitko Cavkov məsələ ilə bağlı bunları qeyd edib: "Hazırda sərhədlərimizi 2  mindən çox miqrant qeyri-qanuni yolla keçib. Bunun qarşısının alınması üçün sərhəd keçid məntəqələrində və sərhədboyu ərazilərdə postları gücləndirdik. Hazırda Avropa İttifaqına müraciət etmişik. Onlar bizə yardım etməyə borcludular".