Bu gün Azərbaycanın bütün hərbi hissələrində əsgər valideynləri və yaxınları üçün "Açıq qapı" günü keçirilib.

Movqe.az Müdafiə Nazirliyinə istinadən məlumat verir ki, tədbir müdafiə naziri, general-polkovnik Zakir Həsənovun müvafiq göstərişinə əsasən baş tutub.

Ziyarətçilər hərbi hissələrdə şəxsi heyətin yaşayış və məişəti üçün yaradılan şərait, eləcə də xidməti və inzibati binalar, əsgər yataqxanaları və yeməkxanaları ilə yaxından tanış olublar.

Bundan əlavə, valideynlər hərbi hissələrin komandanlığı ilə görüşərək onları maraqlandıran suallara ətraflı cavab ala biliblər.