Dövlət Gömrük Komitəsi (DGK) tərəfindən "Mərkəzi icra hakimiyyəti orqanları tərəfindən konkret sahələr üzrə elektron xidmətlər göstərilməsi Qaydaları"nın və "Elektron xidmət növlərinin Siyahısı"nın təsdiq edilməsi haqqında Nazirlər Kabinetinin 24 noyabr 2011-ci il tarixli qərarında əks olunan tapşırıqların təmin olunması məqsədilə  daha 4 xidmət elektronlaşdıraraq "Elektron hökumət" portalına inteqrasiya edilib.

Portaldan Movqe.az-a verilən məlumata görə, bununla da komitənin "Elektron hökumət" portalı üzərindən göstərdiyi elektron xidmətlərin sayı 13-ə çatdırılıb.

İstifadəçilərin ixtiyarına verilən xidmətlər aşağıdakılardır:

- "Elektron gömrük bəyannaməsinin aktivləşdirilməsi"(Elektron)

- "Elektron gömrük bəyannaməsinin aktivləşdirilməsi"(Kart)

- "Malların və nəqliyyat vasitələrinin gömrük rəsmiləşdirilməsi üzrə elektron gömrük     bəyannaməsinin qəbulu"

- "Elektron Gömrük Bəyannaməsi haqqında məlumatların əldə edilməsi"

Qeyd edək ki, bununla da "Elektron hökumət" portalındakı elektron xidmətlərin sayı 424-ə çatdırılıb.