“Təhsil Cəmiyyəti”nin təşkilatçılığı və “Akademi Group” Xaricdə
Təhsil Mərkəzinin dəstəyi ilə Bakıda keçiriləcək. Movqe.az-ın
xəbərinə görə, Türkiyə universitetlərinin növbəti təhsil sərgisinin
təşkilatçılıq işləri yekunlaşıbdır. Bu bərədə müxbirimizə məlumat
verən “Akademi Group” Xaricdə Təhsil Mərkəzinin layihə rəhbəri Razi
Vəliyev bildirmişdir. O, demişdir:
- Oktyabrın 29 və 30-u tarixlərində saat 12:00-dan 17:00-dək Bakıda
“Hilton” otelində təşkil olunan sərgidə Türkiyənin tanınmış dövlət
və özəl universitetlərinin nümayəndələri sərgi iştirakçılarına
təmsil etdikləri universitetlər və buradakı təhsillə bağlı bütün
sualları ətraflı cavablandıracaqlar. “Akademi Group” Xaricdə Təhsil
Mərkəzi tərəfindən ənənəvi olaraq hər il təşkil olunan sərgidə bu
dəfə də tələbələrə yüksək keyfiyyətli təhsil imkanı, yataqxanalar
və digər məsələlər barədə ətraflı məlumat veriləcək, Türkiyə
universitetlərində pulsuz təhsil imkanlarını açıqlayan təqdimatlar
keçiriləcəkdir. Maraqlananlar həmçinin tələbə yataqxanaları,
buradakı sosal şərait və yaşam qaydaları haqqında da ətraflı
məlumat ala biləcəklər. Əlavə olaraq, sərgi müddətində seminarların
keçirilməsi də nəzərdə tutulur.
Sərgidə İstanbul Aydın, Bahçeşehir, İstanbul Kültür, Üsküdar
Universiteti kimi Türkiyənin tanınmış universitetləri iştirak
edəcək. Həmçinin Türkiyənin Bakıdakı səfirliyinin təhsil
müşavirliyinin məsul nümayəndələrinin iştirakı da nəzərdə
tutulur.