Alpaqut Federasiyasının Ağdam rayon filialının nümayəndələri və idmançılar cəbhə bölgəsində xidmət edən, vətənin keşiyində dayanan əsgərləri ziyarət ediblər. Ağdam rayonunun təmas xəttində yerləşən N saylı hərbi hissədə keçirilən bu görüşdə əsas məqsəd əsgərlərə xoş ovqat bəxş etmək, gəncləri hərbi xidmətə həvəsləndirmək, onlarda milli vətənpərvərlik ruhunu yüksəltməkdən ibarət olub.
Alpaqut Federasiyasının Ağdam rayon filialının rəhbəri Ruslan
Quliyev başda olmaqla idmançılar düşmənlə üz-üzə olan postlarda
əsgərlərin vəziyyəti, yataq, yemək, döyüş şəraiti ilə tanış olub,
işğal altındakı ərazilərimizi və düşmən mövqelərini müşahidə
ediblər.
Döyüşkənlik ruhu aşılayan, soykökümüzə, tariximizə bağlılığı
təcəssüm etdirən türkün qədim döyüş sənəti alpaqut barədə də
əsgərlərimizə geniş məlumat verilib, müxtəlif döyüş fəndləri əyani
şəkildə nümayiş olunub. Qonaqlar əsgərlərə çətin və şərəfli
xidmətlərinin yerinə yetirilməsində müvəffəqiyyətlər arzulayaraq,
onlarla qürur duyduqlarını bildiriblər.