Bakı şəhərinin Binəqədi, Mehdiabad və Digah qəsəbələrinin yaxınlığında səhiyyə parkının qurulması təklif edilir. Movqe.az xəbər verir ki, Bakı Dövlət Layihə İnstitutu üç qəsəbədən ibarət zonanın ərazisinin Abşeron yarımadasının mərkəzində yerləşməsi sayəsində əldə etdiyi əlverişli mövqeyini nəzərə alaraq səhiyyə parkının inkişaf etdirilməsi ideyasını irəli sürüb.  İnstitutun təkliflərində səhiyyə parkına qədər yeni metro xəttinin çəkilməsi, Mirzəladi gölü ilə səhiyyə parkı arasında meşə zolağının salınması da əksini tapıb.