Bu qanun seçkidən sonra qəbul olunacaq
Musa Quliyev: "Ola bilər ki, ölkədə prezident seçkilərinin keçirilməsindən sonra, Milli Məclisin payız sessiyasında bu qanun layihəsi müzakirədən sonra qəbul edilsin”
"İctimai yerlərdə siqaret çəkilməsinin qadağan edilməsi haqqında"
qanun layihəsinin müzakirəsi Milli Məclisin yaz sessiyasında
gözlənilmir". Movqe.az-a bu barədə məlumatı Milli Məclisin
sosial siyasət komitəsinin sədr müavini Musa Quliyev verib. Onun
sözlərinə görə, qanun layihəsinin müzakirəsi yəqin ki, ölkədə
prezident seçkilərindən sonra davam edəcək: "Qanunun icrası üçün
mexanizm tapılmalı, cərimələr müəyyənləşməlidir. Milli Məclisin yaz
sesiyasında "İctimai yerlərdə siqaret çəkilməsinin qadağan edilməsi
haqqında" qanun layihəsinin müzakirəsi gözlənilmir. Ola bilər ki,
ölkədə prezident seçkilərinin keçirilməsindən sonra, Milli Məclisin
payız sessiyasında bu qanun layihəsi müzakirədən sonra qəbul
edilsin".
M. Quliyev "İnzibati Xətalar Məcəlləsi"nə edilən dəyişiklikdən sonra ictimai nəqliyyatda siqaretdən istifadənin yasaqlandığını, qanunu pozan olarsa, 50 manat məbləğində cərimə tətbiq olunduğunu söylədi: "Bu dəyişiklik ictimai nəqliyyatda siqaretdən istifadə hallarının qarşısını demək olar ki, alıb. "İctimai yerlərdə siqaret çəkilməsinin qadağan edilməsi haqqında" qanun qəbul edilərsə, bu da gələcəkdə öz effektiv təsirini göstərəcək".
M. Quliyev "İnzibati Xətalar Məcəlləsi"nə edilən dəyişiklikdən sonra ictimai nəqliyyatda siqaretdən istifadənin yasaqlandığını, qanunu pozan olarsa, 50 manat məbləğində cərimə tətbiq olunduğunu söylədi: "Bu dəyişiklik ictimai nəqliyyatda siqaretdən istifadə hallarının qarşısını demək olar ki, alıb. "İctimai yerlərdə siqaret çəkilməsinin qadağan edilməsi haqqında" qanun qəbul edilərsə, bu da gələcəkdə öz effektiv təsirini göstərəcək".