Çelyabinsk vilayətində Urala meteoritin düşməsi nəticəsində xəsarət alanların sayı 500-ə çatıb. Rusiyanın Fövqəlada Hallar nazirinin İnformasiya İdarəsinin rəis müavini Yelena Smirnıx məlumat bildirib ki, tibbi yardım üçün müraciət edənlərin sayı 474 nəfərdir. Gün ərzidnə müraciət edənlər sayı da istisna olunmur. İlkin məlumata görə, xəsarət alanlar arasında 10 uşaq var, buna baxmayaraq, onlar ciddi zədə almayıblar.

Rusiya Federasiyası Daxili İşlər Nazirliyinin (RF DİN) məlumatına görə, Uralda meteorit qırıntılarının yayılması nəticəsində xəsarət alanların sayı 500-ə çatıb. Meteorit yağışı Çelyabinsk, Tümen, Kurqansk və Sverdlovsk vilayətlərində, eləcə də Qazaxıstanın şimal hissəsində qeydə alınıb.

Rusiya Dövlət Dumasının sədr müavini, Liberal Demokrat Partiyasının lideri Jirinovski, Dumada çıxışı zamanı ölkənin Ural bölgəsinə yağan meteor yağışında "amerika izi" tapıb.

Rusiya KİV-lərinin verdiyi məlumata görə Jirinovski, "Bu heç də meteor yağışı deyil, ABŞ yeni silahını sınaqdan keçirir", deyə bildirib."Kerri Lavrovu bu məsələdən xəbərdar etmək istəyib, onu axtarıb amma tapa bilməyib, çünki Lavrov səfərdədir. Əgər tapsaydı mütləq xəbərdarlıq edəcəkdi ki, bu təxribat Rusiyaya zərər vuracaq", deyə istehza ilə danışan Jirinovski həmişə olduğu kimi yenə də sərsəmləyib.

"Kosmosdan heç vaxt heç nə düşmür. Kosmosun öz qanunları var, ordan yerə heç nə düşməyib. Bu insanların təxribatıdır", deyə Jirinovski sözlərini bitirib.