Robert Koçəryan Ermənistanda prezident seçkilərində səs vermədə iştirak etməyəcək
Ermənistanın ikinci prezidenti Robert Koçəryan prezident seçkilərində səs vermədə iştirak etməyəcək.Bu barədə ikinci prezidenti məbuat katibi Viktor Soqomonyan məlumat bildirib.
O deyib: "Hazırda Robert Koçəryan ölkədə deyil, buna görə də, o, təəssüf ki, səs vermədə iştirak edə bilməyəcək". V.Soqomonyan R.Koçəryanın harada olması barədə suala cavab verməkdən boyun qaçırıb, təkcə onun xaricdə olduğunu bildirib.
Qeyd edək ki, təsdiqlənməyən məlumatlara əsasən, səsvermədə oliqarx, Çiçəklənən Ermənistan Partiyasının lideri Qaqik Tsakuryan da iştirak etməyəcək. Onun partiyasının adı Robert Koçəryanla əlaqələndirilir. KİV-in məlumatına görə, Q.Tsakuryan da xaricdədir.