Xaricdə təhsillə bağlı yeni sayt yaradıldı
Bu gün Təhsil Nazirliyində "2007-2015-ci illərdə Azərbaycan
gənclərinin xarici ölkələrdə təhsili üzrə Dövlət Proqramı"na dair
Məlumat İdarəetmə Sisteminin və yeni veb-saytın hazırlanması ilə
bağlı təqdimat keçirilib. Movqe.az-ın məlumatına görə,
tədbirdə təhsil naziri Misir Mərdanov, rabitə və informasiya
texnologiyaları naziri Əli Abbasov, Prezident Administrasiyası
rəhbərinin müavini Novruz Məmmədov, Dövlət Neft Fondunun icraçı
direktoru Şahmar Mövsümov və digər şəxslər iştirak edir. Tədbiri
giriş sözü açan təhsil naziri Misir Mərdanov deyib ki, prezidentin
sərəncamı ilə təsdiq edilmiş dövlət proqramının əsas məqsədi
rəqabət qabiliyyətli iqtisadi sistemin formalaşdırılması olub. O
bildirib ki, ölkə başçısının "Dövlət orqanlarının elektron
xidmətlər göstərməsinin təşkili sahəsində bəzi tədbirlər haqqında"
imzaladığı fərman bir müddət əvvəl başlanılan bu işin
sürətlənməsinə və layihənin həyata keçirilməsinə olan inamı daha da
artırıb: "Dövlət proqramına ərizələrin elektron şəkildə qəbulu məhz
bu istiqamətdə atılan mühüm addımlardan biridir".
M. Mərdanov xatırladıb ki, bu günə kimi dövlət proqramı çərçivəsində 1800-dən artıq gənc xaricdə təhsil almağa göndərilib. Təhsil nazirinin müavini Qulu Novruzov yeni sistem və veb-sayt barədə məruzə ilə çıxış edib. Dövlət Neft Fondunun icraçı direktoru Şahmar Mövsümov isə bildirib ki, yeni məlumat idarəetmə sistemi yüksək səviyyədə hazırlanıb və fond bundan mütəmadi şəkildə istifadə edəcək. Onun sözlərinə görə, bu proses şagirdlərin maliyyələşməsinin daha tez aparılmasına, seçim daha şəffaf keçirilməsinə şərait yaradacaq. Rabitə və İnformasiya Texnologiyaları naziri Əli Abbasov yeni sistemlə bağlı bəzi təkliflər səsləndirib. O qeyd edib ki, seçim məsələsində elektronlaşma maksimal olsa və seçim kriteriyaları rəqəm şəklində göstərilsə, nəticəsi də müsbət olar. Nazirin fikrincə, bu proses yekunda şikayətlərin sayını azaldacaq. Prezident Administrasiyası rəhbərinin müavini Novruz Məmmədov da yeni yaradılan sistemi yüksək qiymətləndirib. Onun sözlərinə görə, nazirlikdə edilən təqdimatın özü göstərir ki, yeni sistemlər vasitəsilə azərbaycanlı tələblərin xaricdə təhsili sahəsində işləri yeni və daha yüksək səviyyəyə qaldırmaq mümkün olacaq.
M. Mərdanov xatırladıb ki, bu günə kimi dövlət proqramı çərçivəsində 1800-dən artıq gənc xaricdə təhsil almağa göndərilib. Təhsil nazirinin müavini Qulu Novruzov yeni sistem və veb-sayt barədə məruzə ilə çıxış edib. Dövlət Neft Fondunun icraçı direktoru Şahmar Mövsümov isə bildirib ki, yeni məlumat idarəetmə sistemi yüksək səviyyədə hazırlanıb və fond bundan mütəmadi şəkildə istifadə edəcək. Onun sözlərinə görə, bu proses şagirdlərin maliyyələşməsinin daha tez aparılmasına, seçim daha şəffaf keçirilməsinə şərait yaradacaq. Rabitə və İnformasiya Texnologiyaları naziri Əli Abbasov yeni sistemlə bağlı bəzi təkliflər səsləndirib. O qeyd edib ki, seçim məsələsində elektronlaşma maksimal olsa və seçim kriteriyaları rəqəm şəklində göstərilsə, nəticəsi də müsbət olar. Nazirin fikrincə, bu proses yekunda şikayətlərin sayını azaldacaq. Prezident Administrasiyası rəhbərinin müavini Novruz Məmmədov da yeni yaradılan sistemi yüksək qiymətləndirib. Onun sözlərinə görə, nazirlikdə edilən təqdimatın özü göstərir ki, yeni sistemlər vasitəsilə azərbaycanlı tələblərin xaricdə təhsili sahəsində işləri yeni və daha yüksək səviyyəyə qaldırmaq mümkün olacaq.