Yığma saatlar hesabına dərs deyən ibtidai sinif müəllimlərinin sayı azalıb
"Bakının ümumtəhsil məktəblərində yığma saatlar hesabına dərs deyən
ibtidai sinif müəllimlərinin sayı azalıb. Əgər 2006-cı ildə paytaxt
məktəblərində artıq, yığma saatlar hesabına işləyənlərin
ibtidai sinif müəllimləri sayı 1400 nəfər idisə, bu gün bu rəqəm 80
nəfər təşkil edir". Bu sözləri Mövqe.az-a açıqlamasında Bakı şəhəri
üzrə Təhsil İdarəsinin (BŞTİ) strateji təhlil, planlaşdırma və
kadrların idarəolunması sektorunun müdiri Bəhmən Nəbiyev söyləyib.
Onun sözlərinə görə, artıq 2006-cı ildən orta məktəblərə ibtidai
sinif müəllimlərinin işə qəbulu dayandırılıb. İndi yalnız hansısa
müəllim işdən çıxırsa, yəni vakansiya yaranırsa onun yerinə başqa
ibtidai sinif müəllimi işə götürülür. B. Nəbiyev hazırda paytaxt
məktəblərində 5528 ibtidai sinif müəlliminin çalışdığını söylədi.