"Bakının Bibiheybət qəsəbəsində jurnalistlər üçün tikilən binada təmir gedir". Aprelin 11-də "Media forum" saytına açıqlamasında KİV-in İnkişafına Dövlət Dəstəyi Fondunun icraçı direktoru Vüqar Səfərli belə deyib.

Vüqar Səfərli bildirib ki, binada təmir işləri bitdikdən sonra mənzillərin jurnalistlərə necə veriləcəyi, mətbuat nümayəndələrinin hara və hansı formada müraciət etmələri prinsipləri açıqlanacaq: "Vaxtı çatanda bütün bunlar açıqlanacaq. Hazırda binada təmir işləri gedir. Bu səbəbdən hələlik nəyisə açıqlamaq tezdir, vaxtımız var".

2010-cu il iyulun 22-də prezident İlham Əliyev mətbuat işçilərinin mənzil-məişət şəraitinin yaxşılaşdırılması və onlar üçün yaşayış evlərinin tikilməsi məqsədi ilə KİV-in İnkişafına Dövlət Dəstəyi Fonduna 5 milyon manat vəsait ayırıb.

Binanın tikintisinə 2011-ci ildə start verilib. 16 mərtəbəli bina 2-3 otaqlı mənzillərdən ibarət olacaq.