Azərbaycan Kommunist Partiyasının sədri Rauf Qurbanov, Rusiya Federasiyası KP MK-nin sədri Q.A. Zyuqanovun  dəvəti ilə 2013-ci il fevral  ayının 22 - dən  27 - na kimi Rusiya kommunistlərinin XV qurultayında iştirak etmək üçün Moskva şəhərində səfərdə olacaq. AKP sədri , qurultayda Azərbaycan kommunistləri adından çıxış edəcək və səfər çərçivəsində qurultayda qonaq qismində iştirak edən bir sıra kommunist partiyalarının rəhbərləri ilə iki tərəfli görüşlər keçirəcək. 

Mövqe.az-ın AKP-nin mətbuat xidmətindən aldığı məlumata görə,  Azərbayan kommunistlərinin lideri fevral ayının 25 – də " Sosializm cəmiyyəti uğrunda apardığımız mübarizə" mövzusunda RFKP təşkil etdiyi qeyri- rəsmi dəyirmi masada da iştirak edəcək.

Fevralın 26 –da Rauf Qurbanovun RF Dövlət Dumasında kommunist deputat fraksiyasının üzvləri ilə  görüşəcəyi də səfərin proqramına daxil edilib.

Azərbaycan KP sədri iyun ayının 27 - da Bakıya dönəcək.