21 aprel 2013 -cü ildə Rauf Qurbanovun sədirliyi ilə AKP MK -nın növbəti büro iclası keçirilib. İclasda AKP - nin qarşısında duran mühüm vəsifələr geniş müzakirə olunaraq müvafiq qərarlar qəbul edilmiş və o cümlədən qarşıdakı dövr üçün bir sıra tədbirlərin keçirilməsi planlaşdırılmışdır. 22 aprel 2013 -cü ildə Proletariatın dahi rəhbəri V.İ.Leninin  anadan olmasının 143 - cü ildönümü münasibəti ilə " Lenin və sosializm",  28 apreldə Azərbaycanda sosialist inqilabının 93 - cü ildönümü ilə əlaqədar" Azərbaycan sovet dövründə " mövzularında AKP – nin bütün rayon – şəhər təşkilatlarında elmi –praktiki konfransların keçirilməsi qərara alınmışdır. Daha sonra AKP MK bürosu dünya zəhmətkeşlərin həmrəylik günü olan " 1 MAY " bayramında, Bakı şəhərində və o cümlədən respublikanın digər regionlarında kommunistlərin və ictimaiyyət nümayəndələrinin iştirakı ilə müxtəlif park və meydanlarında may gəzintilərinin təşkil olunması, 9 mayda Böyük Vətən müharibısində faşizm üzərində qələbənin 68 -ci ildönümü münasibəti ilə Sovet İttifaqı qəhrəmanları Həzi Aslanovun, İsrafil Məmmədovun, Mehdi Hüseynzadənin abidələri önündə təntənəli tədbirlərin keçirilməsi barədə də qərar qəbul olunmuşdur.
İclasda, AKP MK sədrinin müavini F. Rəşidov, AKP MK katibi  Ə.Veysov, Lənkəran Rayon Partiya Komitəsinin biriçi katibi N.Bağırov, AKP MK müharibə və əmək veteranları komissiyasının üzvü Q. Vəliyev, Azərbaycan Sovet Zabitlər İttifaqının sədrinin birinci müavini N. Rəhmanov və digər yoladşlar çıxış etmişlər. Və müzakirə olunmuş məsələlərlə əlaqədar tədbirlər planı qəbul edilmişdir.
AKP MK -nın büro iclası partiya sədri Rauf Qurbanovun aprelin 23-dən 24 -nə kimi KPİ-Sov.İKP Kiyev şəhərində keçiriləcək İcrayə Komitəsinin iclasında iştirakına da münasibət bildirmişdir.
Bununla da AKP MK büro iclası öz işini yekunlaşdırmışdır.