Bəxtiyar Qaralov: "Bir neçə ərazidə sürüşmə təhlükəsi var və biz bu təhlükəni gözləyirik" "Yağışların yağması sürüşmələri də intensivləşdirir. Bir neçə ərazidə sürüşmə təhlükəsi var və biz bu təhlükəni gözləyirik".
Bu sözləri Movqe.az-a açıqlamasında Ekologiya və Təbii Sərvətlər Nazirliyinin Kompleks Hidrogeologiya və Mühəndis Geologiyası Ekspedisiyasının rəisi Bəxtiyar Qaralov deyib. B. Qaralov bildirib ki, hazırda sürüşmə üçün ən təhlükəli ərazilər Bakı- Şamaxı yolunun 103 -110-cu kilometrlik ərazisi, Masazırdakı sürüşmə sahəsi,Zığ yamacı və Günəşlidə bəzi sahələrdir. B. Qaralov bildirib ki, yağışların intensivləşməsi sürüşmə riskini daha da sürətləndirir: "Burada atmosfer çöküntülərinin rolu böyükdür. Amma elə sürüşmə əraziləri var ki, orada sürüşmə riskini insan amilləri sürətləndirir. Masazırda bu vəziyyətdir.  Bəzi ərazilər var ki, yağışların intensiv yağması həmin ərazilər üçün təhlükə yarada bilər".