Milli Televiziya və Radio Şurası (MTRŞ) rəqəmsal yayıma keçidlə bağlı əhalinin aztəminatlı təbəqəsinə dekoderlərin alınması üçün Maliyyə Nazirliyinin cavabını gözləyir. Bu məlumatı Movqe.az-a  Milli Televiziya və Radio Şurasının (MTRŞ) aparat rəhbəri Toğrul Məmmədov verib: "120 min aztəminatlı ailəyə dekoderlərin alınması üçün Şura tərəfindən bütün lazımi sənədlər toplanıb. Dekoderlərin alınmasına nə vaxt başlanılacağı  Maliyyə Nazirliyindən asılıdır. MTRŞ bütün sənədləri nazirliyə göndərib. Amma hələki cavab yoxdur. Nə vaxt maliyyə ayrılsa, dekoderlərin alınmasına da o zaman başlanılacaq".
Qeyd edək ki, bu ilin sonunadək ölkə üzrə analoq yayım tam dayandırılacaq.