Təhsil Nazirliyi bundan sonra KİV-lə belə işləyəcək
Təhsil Nazirliyi KİV-lə daha səmərəli münasibətlərin qurulması üçün
yeni siyasət formalaşdırır. Movqe.az Təhsil Nazirliyinin
saytına istinadən məlumat verir ki, bu siyasət nazirliyin media ilə
əlaqələrinin daha açıq, şəffaf və operativ qurulmasına xidmət
edəcək. Bütün bunlar Təhsil Nazirliyinin fəaliyyəti ilə bağlı dəqiq
və dolğun məlumatların mətbuatda dərc olunması, media ilə
əməkdaşlığın yaradılması imkanlarını artıracaq. Odur ki, media
təmsilçilərindən yeni əməkdaşlıq siyasəti formalaşdırılana qədər
Təhsil Nazirliyinə edilən müraciətlərin yazılı olaraq göndərilməsi
xahiş olunur. Eyni zamanda bildiririk ki, KİV-dən daxil olan bütün
müraciətlər həftənin şənbə və bazar günləri istisna olmaqla, Təhsil
Nazirliyinə daxil olduğu müddətdən 24-48 saat ərzində araşdırılıb
cavablandırılacaq. Müraciətlər Təhsil Nazirliyinin İctimaiyyətlə
əlaqə şöbəsinin [email protected] elektron poçt ünvanına və ya
012-496-37-76 nömrəli faksına göndərilə bilər.