Rabitə və internet qiymətləri maya dəyərinə uyğunlaşdırılacaq
Rabitə və internet xidmətləri tarifləri həmin xidmətlərin maya
dəyərinə uyğunlaşdırılacaq. Bu işi Rabitə və İnformasiya
Texnologiyaları Nazirliyi və Tarif (qiymət) Şurası il ərzində
birgə həyata keçirəcək. Rabitə və İnformasiya Texnologiyaları
Nazirliyinin mətbuat xidmətinin rəhbəri Müşfiq Əmirovun Movqe.az-a
verdiyi xəbərə görə, bu 2013-cü ilin "İnformasiya-kommunikasiya
texnologiyaları ili" elan edilməsi ilə bağlı Tədbirlər Planında
nəzərdə tutulub: "Tədbirlər Planın Normativ hüquqi baza və
idarəetmənin təkmilləşdirilməsi bəndində göstərilib ki, Rabitə və
internet xidmətləri tariflərinin həmin xidmətlərin maya dəyərinə
uyğunlaşdırılması üzrə tədbirlər görülməlidir".