Əlaqə Arxiv
news Image
2013.04.30
17:23
| A A A
18 yaşa qədər uşaqların sağlamlıqları ilə bağlı məlumatlar bazaya toplanır
Ölkə üzrə 600 mindən çox uşağa "Elektron sağlamlıq kartı" verilib.  Bu barədə Movqe.az-a Səhiyyə Nazirliyinin Səhiyyənin İnformasiyalaşdırılması Mərkəzinin direktoru Cəbrayıl Əsədzadə məlumat verib.
C. Əsədzadənin sözlərinə görə, hazırda yenidoğulmuşlara elektron sağlamlıq kartlarının verilməsi davam etdirilir. C. Əsədzadə bildirdi ki, 2007-ci ildən əvvəl dünyaya gələn uşaqlara bu sağlamlıq kartı verilməsə də, 18 yaşına qədər bütün uşaqlar barədə bazada məlumat var. Mərkəz rəhbəri doğum evlərindən də yenidoğulmuşlarla bağlı məlumatların bazaya daxil edildiyini, oradan isə polikilinikalara göndərildiyini söylədi: "3 gün ərzində yenidoğulmuşun elektron sağlamlıq kartı ilə təmin edilməsi mümkün deyil. Bu səbəbdən də doğum evində uşağa göstərilən tibbi xidmətlər, yenidoğulmuşun sağlamlığı ilə bağlı bütün bilgilər bazaya yüklənir. Bundan sonra həmin uşağın elektron sağlamlıq kartı hazırlanaraq polokilinikaya göndərilir. Qeyd edək ki, sağlamlıq kartı sistemində olan məlumatlar (xəstəlik tarixi, müayinə, müalicə, cari istifadə edilən dərman preparatları, peyvəndlər, gələcəkdə tibbi sığorta və s.) kart sahibinə operativ və dəqiq müayinə olunmaq imkanı yaradır. Kartda olan informasiya xəstəxanaların qeydiyyat şöbələrində, laboratoriyalarda, yaxın gələcəkdə təcili tibbi yardım maşınlarında, apteklərdə və s. kompüterlərə qoşulmuş xüsusi qurğular vasitəsilə oxuna və dəyişdirilə bilər.
Sizin Reklam Yeriniz