İyunun 11-də Bakıda Xəzər Avropa İşgüzar İnteqrasiya Klubunun (CEIBC) tərkibində fəaliyyət göstərən Caspian-European IT&Communication Club-ın iclası keçirilib.

Mövqe.az-ın məlumatına görə, görüşdə Azərbaycanın telekommunikasiya və İT-şirkətlərinin rəhbərləri, habelə iqtisadiyyatın digər sektorlarını təmsil edən və CEIBC klubunun üzvü olan şirkətlərin rəhbərləri iştirak ediblər. 

Bu tədbir CEIBC üzvü olan şirkətlərin rabitə və informasiya texnologiyaları, vergilər, iqtisadi inkişaf, əmək və sosial müdafiə nazirləri, Mərkəzi Bankın rəhbərləri və Azərbaycan Milli Məclisinin İqtisadi siyasət komitəsinin üzvləri ilə görüşə hazırlıq çərçivəsində keçirilib. 

Şirkətlər informasiya texnologiyaları sahəsində onları maraqlandıran problemləri müzakirə edib, bu problemlərin həlli yollarını nəzərdən keçiriblər.