Bu gün günorta saatlarında Şabran rayonu ərazisində sərnişin avtobusu qəzaya uğrayıb.

Mövqe.az-ın verdiyi məlumata görə, hadisə Gəndob-Yalama yolunun Ağalıq kəndi ərazisindən keçən hissəsində qeydə alınıb. "Hyundai" markalı sərnişin avtobusu ilə "Daewoo" markalı yük maşını toqquşub.

Qəza nəticəsində 9 nəfər müxtəlif dərəcəli bədən xəsarəti alıb. Onlar Xaçmaz Mərkəzi Rayon Xəstəxanasına yerləşdiriliblər.

Faktla bağlı araşdırma aparılır.