Başına daş düşən 42 yaşlı kişi öldü
Hadisə tikinti zamanı baş verib
Bu gün səhər saatlarında Gəncədə bədbəxt hadisə baş verib. "Kəpəz TV" xəbər verir ki, məcburi köçkünlər üçün inşa olunan binada fəhlə işləyən Yevlax sakini 42 yaşlı Salman Əzizovun tikinti zamanı başına daş düşüb.
Yaralı xəstəxanaya çatdırılsa da, onun həyatını xilas etmək mümkün olmayıb. Faktla bağlı Gəncə Şəhər Prokurorluğunda araşdırma aparılır.
