Oktyabrın 15-də Bakı və Abşeron yarımadasında havanın buludlu olacağı, arabir yağış yağacağı gözlənilir.

Mülayim cənub-şərq küləyi əsəcək.

Ekologiya və Təbii Sərvətlər Nazirliyinin (ETSN) Milli Hidrometeorologiya Departamentindən verilən xəbərə görə, havanın temperaturu gecə 10-13, gündüz 15-18 dərəcə isti olacaq.

Azərbaycanın rayonlarında oktyabrın 15-də şimal və şərq rayonlarında yağış yağacaq, bəzi rayonlarda intensiv olacağı gözlənilir.

Mülayim qərb küləyi əsəcək. Havanın temperaturu gecə 9-14, gündüz 20-25 dərəcə, dağlarda gecə 0-5, gündüz 9-14 dərəcə isti olacaq.