Komitə reydlərə başladı-Özəl
Fazil Talıblı: "Sertifikatsız qaz sobalarının satışının qarşısının alınması məqsədilə redylərə başlanılıb"
Standartlaşdırma, Metrologiya və Patent üzrə Dövlət Komitəsi
(SMPDK) sertifikatsız qaz sobalarının satışının qarşısının alınması
məqsədilə redylərə başlayıb. Komitənin mətbuat xidmətinin rəhbəri
Fazil Talıblının Movqe.az-a verdiyi məlumata görə,
monitorinqlər mövsümlə əlaqədar daha da gücləndirilib:
"Payız-qış aylarında qaz sobalarna tələbat daha çox olduğuna görə
komitə yanında dövlət nəzarət xidməti bu sahəyə nəzarət
tədbirlərini daha da intensivləşdirib. Sertifikatsız qaz
sobalarının satışının qarşısını almaq üçün artıq reydlərə start
verilib. İstehlakçılar da, qaz sobası alarkən sertifikat tələb
etməyi, həyat və sağlamlıqları üçün potensial təhlükə olan sobaları
almamalıdırlar. Artıq Komitə nəzarət tədbirlərini
gücləndirib. Amma alıcılar da satışdakı keyfiyyətsiz sobalarla
bağlı Komitəyə məlumat verə bilər".