"Böyük Bakının Regional İnkişaf Planı"nın Nazirlər Kabinetinə göndəriləcəyi vaxt açıqlandı-Özəl
"Böyük Bakının Regional İnkişaf Planı" ilin sonunadək Nazirlər
kabinetinə təqdim ediləcək. Bu məlumatı Movqe.az-a Dövlət
Şəhərsalma və Arxitektura Komitəsinin şöbə müdiri Cahangir Qocayev
verib. C. Qocayev bildirib ki, 2030-cu ilədək olan dövrü əhatə
edəcək "Böyük Bakının Regional İnkişaf Planı"nın nə qədər müddətə
təsdiqlənəcəyi barədə qəti fikir bildirmək olmaz: " "Böyük Bakının
Regional İnkişaf Planının təsdiqlənməsi üçün müddət bir ilə qədər
də vaxt apara bilər. Hər halda təsdiqləndikdən üç ay ərzində
Tədbirlər Planı hazırlanacaq. Bundan sonra hansı müddətlərdə, hansı
qurumların nə işlər görəcəyi, bəlli olacaq".