Aqroparkların yaradılması 2014-cü ildə reallaşa bilər
"Azərbaycanda aqroparkların yaradılması 2014-cü ildə reallaşa
bilər". Bu sözləri Movqe.az-a açıqlamasında Kənd Təssərrüfatı
Nazirliyinin şöbə müdiri Sabir Vəliyev söyləyib. S. Vəliyev
bildirib ki, elektron kənd təsərrüfatı sisteminin yaradılması üçün
hazırlıq işləri aparılır. Bu sistem yaradıldıqdan sonra "Aqro
park"ların yaradılması da asan olacaq. S. Vəliyev hazırda bunun
üçün beynəlxalq təcrübənin öyrənildiyini söyləyib. S. Vəliyev
bildirib ki, aqroparkların yaradılması üçün "Kooperasiya
Haqqında" qanunun qəbulunun da vacibdir.
Qeyd edək ki, aqropark dedikdə kənd təsərrüfatı istehsalının
qeyri-kənd təsərrüfatı fəaliyyətləri ilə bir yerdə, vahid istehsal
məkanında qruplaşdırılması və yaxud həmin fəaliyyətlərin
kombinasiyasıdır.