"Elmlər Akademiyası" metrostansiyasının qarşısındakı avtobus dayanacağında həyəcanlı anlar yaşanıb

Hadisə  Bu gün səhər saat 08:50 radələrində "Elmlər Akademiyası" metrostansiyasının qarşısındakı avtobus dayanacağında həyəcanlı anlar yaşanıb. Ans press-in verdiyi məlumata görə, azyaşlı qızını orta məktəbə aparan ana uşağı ilə birlikdə sürücünün səhvi nəticəsində az qala həyatdan məhrum olacaqdı.

Belə ki, ana və qızı 59 saylı sərnişin avtobusuna minərkən sürücü qapıları bağlamadan maşını sürüb. Bu an qız və ana avtobusun qapılarından yerə yıxılıblar. Xoşbəxtlikdən onlar xəsarət almayıblar. Sürücü isə buna əhəmiyyət vermədən avtobusu sürüb gedib.