Göyçay rayonunda anasını bıçaqlayaraq qaçan oğlan tutulub.

Rayon Polis Şöbəsindən APA-ya verilən məlumata görə, dünən rayonun Kürdəmir kəndində 1976-cı il təvəllüdlü Heydərova Məhsəti Vaqif qızını bıçaqlayaraq evdən qaçan oğlu, 1995-ci il təvəllüdlü Heydər Heydərli polis əməkdaşları tərəfindən keçirilən əməliyyat-axtarış tədbirləri nəticəsində tutulub. Hadisənin hansı səbəbdən baş verdiyi hələ ki, məlum deyil.

Qarın nahiyəsinin kəsilmiş-deşilmiş yarası, qara ciyərin kəsilməsi, daxili qanaxma diaqnozu ilə Göyçay Mərkəzi rayon Xəstəxanasının cərrahiyə şöbəsinə yerləşdirilən Məhsəti Heydərova əməliyyat olunub.

Faktla bağlı Göyçay rayon Polis Şöbəsi tərəfindən araşdırma aparılır.