Nəqliyyat Nazirliyi üç rəqəmli marşurutlarla bağlı qərar verəcək
Paytaxtda üç rəqəmli avtobusların şəhərin mərkəzinə girişinin
qadağan olunması ilə bağlı müzakirələr aparılır. Movqe.az-a -a bu
barədə məlumat "Bakısərnişinnəqliyyat"
Departamentindən verilib. E. Əzimov bildirib ki, üç rəqəmli
avtobuslar şəhərə əsasən Bakı ətrafı kəndlərdən daxil olur: "Əvvəl
aparılan islahatlarda şəhərin mərkəzi hissələrinə üç rəqəmli
avtobusların girişi yasaqlandı. Amma hələ də bəzi üç
rəqəmli marşurutlar şəhərin mərkəzinə daxil olur. Bu gün
Mərdəkandan sərnişin daşıyan 136 saylı marşurutun son dayanacağı
Səməd Vurğun bağının yanıdır. Bu kimi marşurutların şəhərin
mərkəzinə sərnişin daşımasının yasaqlanması hələ ki müzakirə
olunur. Ola bilər ki, bəzi marşurutların vacibliyi nəzərə alınıb
həmin xətt üzrə şəhərin mərkəzinə giriş yasaqlanmadı. Hələki bu
barədə qərar verilməyib. Hansılar ki, maneəçilik törətmir həmin
xətlər saxlanılacaq. Hər halda bu barədə son qərarı Nəqliyyat
Nazirliyi verəcək"
