Bakı şəhərində məişət tullantılarının tərkibində silah-sursat aşkar edilib.

 "Təmiz Şəhər" ASC-dən APA-ya verilən məlumata görə, təhvil verilən tullantıların tərkibində 1 ədəd avtomat darağı və 101 ədəd patron tapılıb.

Qeyd edək ki, oxşar vəziyyət 20 noyabr tarixində də baş verib və 1 ədəd tank əleyhinə yararsız mina, 3 ədəd patron və 1 ədəd "Voltran" tipli təlim tapançası aşkarlanıb və aktlaşdırılaraq Sabunçu Rayon Polis İdarəsinin 12-ci Polis Bölməsinə təhvil verilib.