Dekabr ayının 10-dan etibarən Bakı Şəhər İcra Hakimiyyətinin (BŞTX) Ticarət və Xidmət Departamenti Bakı şəhər Baş Polis İdarəsinin ictimai təhlükəsizlik şöbəsi ilə birgə pirotexniki vasitələrin satışı ilə bağlı reydlərə başlayacaq. Bu məlumatı Movqe.az-a Departamentin mətbuat xidmətinin rəhbəri Əliabbas Bağırovverib.Ə. Bağırov bildirib ki, pirotexniki vasitələrin satışına qarşı tədbirlər ilboyu keçirilir: "Lakin yeni ilin gəlişi ilə əlaqədar priotexniki vasitələrin satışı daha geniş vüsət alır. Odur ki, dekabr ayının 10-dan etibarən Bakı şəhər Baş Polis İdarəsinin ictimai təhlükəsizlik şöbəsi ilə birgə pirotexniki vasitələrin satışı ilə bağlı reydlərə başlanacaq. Buradan valideynlərə də səslənirik ki, uşaqlarını "zırpaket" adlandırılan priotexniki vasitələri almaqdan çəkindirsinlər".
Qeyd edək ki, hər il yeni il öncəsi pirotexniki vasitələr müəyyən qədər satışdan yığışdırılsa da,  problemi tam həll etmək olmur. Yeni il öncəsi bu cür təhlükəli oyuncaqların satışı yenidən bərpa edilir. Xatırladaq ki, priotexnik vasitələrin satışı 2001-ci ildən qadağan edilib.