Zaqatala rayonunda zəlzələ qeydə alınıb.

Azərbaycan Milli Elmlər Akademiyası Respublika Seysmoloji Xidmət Mərkəzindən  APA-ya verilən məlumata əsasən, dekabrın 3-də Bakı vaxtı ilə saat 19:21-də Zaqatala rayonundan 15 km cənub-şərqdə zəlzələ qeydə alınıb.

Məlumata görə, yeraltı təkanların gücü episentrdə 3,1 bal olub. Yeraltı təkanlar zəlzələ mərkəzinə yaxın yaşayış məntəqələrində 3 bal gücündə hiss olunub.

Fövqəladə Hallar Nazirliyinin məlumatına əsasən, insan tələfatı və tikililərdə dağıntılar yoxdur.