Sumqayıtda baş verən atışma ilə bağlı rəsmi açıqlama
Daxili
İşlər Nazirliyi və Respublika Baş
Prokurorluq ötən gün
Sumqayıtda baş verən
insidentlə bağlı birgə məlumat yayıblar. Movqe.az-ın xəbərinə görə məlumatda
dekabrın 11-də
saat 20.30
radələrində Sumqayıt şəhərinin 10-cu mikrorayonunda
yerləşən "Çay
evi"ndə ekstremist təmayüllü
"Xəvarici"lərlə "Sələfi" təriqətinə mənsub bir qrup şəxs arasında baş
verən münaqişənin fikir
ayrılığı zəminində olduğu,
nəticədə şəhər sakinləri Anar
Rəhimov və Elmar
Məmmədli bıçaq
xəsarətləri aldığı bildirilir. Daha sonra "Çay
evi"nin qarşısında davam etdirilən
mübahisədə qumbara
və avtomat silahdan istifadə edilib. Bu zaman hadisəiştirakçılarından Təzə Corat qəsəbəsinin
sakinləri Elşən Musayev
və Elnur Nəzərəliyev
qəlpə
yaraları alıb, avtomat
silahdan atılmış güllələr yaxınlıqdakı mənzilə və hərəkətdə
olan
avtomobilə dəyərək,
xəsarət alan olmayıb.
Məlumat daxil olan kimi Sumqayıt
Şəhər Polis
İdarəsinin vəprokurorluğunun əməkdaşları dərhal
hadisə yerinə gəlmiş, zəruri
əməliyyat-axtarış tədbirləri və istintaq
hərəkətləri
həyata keçirilmiş, maddi sübutlar götürülüb.
Silahlı münaqişənin iştirakçısı
olan 5 nəfər saxlanılıb.
Təxirəsalınmaz
tədbirlərlə daha 2 nəfər - Sumqayıt şəhər sakinləri Zaur Paşayev
və Murad Məhərrəmov
ölkə hüdudlarını müxtəlif
istiqamətlərdən tərk
etmək istəyərkən yaxalanıblar.
Şübhəli şəxs
qismində axtarılan Elçin Əkbərovun yaşadığı evə baxış zamanı iki qumbara aşkar edilib. Xəsarət alan E.Məmmədli və E.Nəzərəliyev xəstəxanaya yerləşdirilmişlər,
vəziyyətləri qənaətbəxşdir. Faktla
bağlı Azərbaycan Respublikası
Cinayət Məcəlləsinin müvafiq
maddələri
ilə cinayət işi başlanıb.
Daxili İşlər Nazirliyinin və Respublika Baş Prokurorluğunun təcrübəli əməkdaşlarından ibarət
əməliyyat-istintaq qrupu
hadisənin digər
iştirakçılarının da müəyyənləşdirilərək
məsuliyyətə cəlb olunmaları
istiqamətində tədbirləri davam
etdirir.