Şəki Rayon (şəhər) Polis Şöbəsindən APA-nın Şəki-Zaqatala bürosuna verilən məlumata görə, hadisə dekabr ayının 15-dən 16-a keçən gecə rayonun Cəfərabad kəndindəki fermada baş verib.
Fermanın həyətyanı sahəsindəki yaşayış evində yaşayan, 1975-ci il təvəllüdlü, Cəfərabad kənd sakini Qurbanova Nailə Ağa qızı və onun iki övladı, 2000-ci il təvəllüdlü Orucov Vüqar Ağalar oğlu və 2004-cü il təvəllüdlü Orucov Vüsal Ağalar oğlu evə qoyulmuş odun sobasının tüstüsündən zəhərlənmə diaqnozu ilə Şəki Mərkəzi Şəhər Xəstəxanasına (MŞX) daxil olublar.
Şəki MŞX-dan APA-ya verilən məlumata görə, tüstü zəhərlənməsi ilə xəstəxananın reanimasiya şöbəsinə daxil olan ana və iki azyaşlı övladına lazımi tibbi yardım göstərilib. Onların vəziyyəti normallaşdıqdan sonra ambulator müalicə almaq üçün evə buraxılıb