Türkiyənin Antalya bölgəsində Rixter cədvəli ilə 4.3 bal gücündə zəlzələ olub. Movqe.az-ın türk mətbuatına istinadən verdiyi məlumata görə, yeraltı təkanlar dekabrın 25-də yerli saatla 20.11-də qeydə alınıb.

Episentri yerin 120 km dərinliyində olan zəlzələ Antalya şəhərində də hiss olunub. Əhalinin bir hissəsi təşvişdən küçələrə axışıb.

Zəlzələ nəticəsində tələfat və dağıntının olmadığı bildirilir.