“Cin çıxarma” əməliyyatına Nuşirəvan Məhərrəmlidən reaksiya
"ANS" telekanalında yayımlanan "Adam içində"
verilişinin canlı efirində həyata keçirilən "cin çıxarma"
əməliyyatına Milli Televiziya və Radio Şurasından da reaksiya
gəlib. Son vaxtlar sosial
şəbəkələrdə də geniş müzakirə mövzusuna çevrilən məsələ ilə bağlı
qurumun sədri Nuşirəvan Məhərrəmli "Qafqazinfo"ya açıqlamasında
bildirib ki, bu məsələ Şuranın sabahkı iclasında müzakirə olunacaq
və lazımı ölçü götürüləcək: "Təəssüf edirəm ki, sosial problemli
insanların vəziyyətləri üzərində şou düzəldirlər. Bu, xoşagələn
hadisə deyil. Fiziki, mənəvi problemləri olan insanların durumu ilə
əylənmək olmaz".
Qeyd edək ki, Elgiz Əkbərin təqdimatı ilə ANS-də yayımlanan "Adam içində" proqramı zamanı cindar Həsən canlı efirdə epilepsiya xəstəsi olan və daxilində cin olduğu iddia edilən gənc qızın bədənindən "cin çıxarıb". Canlı efirdə bütün bu yaşananlar sosial şəbəkələrdə də etirazla qarşılanıb.
