"Elektron Hökumət"in istifadəçiləri artıb
2013-cü il müdətində "Elektron hökumət"
portalına daxil olan internet istifadəçilərinin sayı 262 566 nəfər
olub. Movqe.az -ın xəbərinə görə, portala daxilolmaların ümumi sayı 456 712, Elektron xidmətlərə
edilmiş müraciətlərin sayı isə 736 447 olub. Azərbaycan
Respublikasının Nazirlər Kabineti tərəfindən təsdiq edilmiş
e-xidmətlərin sayı 428, E-gov.az portalında yerləşdirilmiş
e-xidmətlərin ümumi sayı 282-dir. 01.12.2013 – 31.12.2013-cü il dövrü ərzində "Elektron hökumət"
portalı vasitəsilə ən çox istifadə olunan e-xidmətlərin siyahısına
gəlincə ilk yeri 62033 sayı ilə Rabitə və İnformasiya
Texnologiyaları Nazirliyinin Telefon nömrəsi üzrə axtarış xidməti
tutur. Növbəti yerləri isə Dövlət Sosial Müdafiə Fondunun
Sığortaolunanın illər üzrə ödənişləri və pensiya kapitalı (3468),
Sığortaedənin uçot nömrəsinin öyrənilməsi (3246), Məcburi dövlət
sosial sığotasına cəlb olunan gəlirlər və ödənilmiş məcburi dövlət
sosial sığorta haqqı barədə məlumatın əldə edilməsi (2420), Pensiya
kalkulyatoru (1482), Pensiyaçıya məlumatların verilməsi (1223)
xidmətləri tutur. 2013-cü ilin dekabr ayı üzrə yeddinci yeri 753
sayla Ədliyyə Nazirliyinin Azərbaycan adları barədə məlumatın
verilməsi xidməti tutur.