Bunu APA-ya açıqlamasında Azərbaycan Milli Elmlər Akademiyasının
(AMEA) Nəsrəddin Tusi adına Şamaxı Astrofizika Rəsədxanasının Günəş
və Günəş-Yer şöbəsinin müdiri Namiq
Cəlilov deyib.
N.Cəlilov bildirib ki, geomaqnit fırtınalarının nə vaxt baş
verəcəyini müəyyənləşdirmək mürəkkəb prosesdir: "Bu elə mürəkkəb
sahədir ki, bir neçə istiqamətdə kəsişmə nöqtəsində yerləşir. Bunu
aydınlaşdırmaq üçün gərək müxtəlif mütəxəssislər cəlb oluna və hər
kəs öz sahəsinə aid məsələni araşdırıb problemin həllini tapa
bilər. Günəşdə olan aktivliyin, partlayışların yerə
tuşlanıb-tuşlanmayacağının proqnozunu vermək çətindir".
Rəsədxana rəsmisi qeyd edib ki, Amerikanın günəşin müxtəlif
mövqelərdən eyni zamanda müşahidə etmək üçün 2 sputniki var.
Günəşdə baş verəcək fırtınalarla bağlı proqnozu həmin sputniklər
vasitəsilə vermək olar. Bunu da Günəşdə alışma olanda və yerə
tuşlananda vermək olar. Burada çox dəqiqlik lazımdır. Baş verən
alışmalar 3-4 gün sonra yerə çata bilər və fırtına yaradar. Ancaq
və ancaq 3-4 gün sonra onu demək olar. Daha sonra dəqiq proqnoz
vermək və ona qarşı nəsə etmək olar. Olub-olmayacağını əvvəlcədən
demək, ümumiyyətlə, mümkün deyil".
N.Cəlilov hazırda günəşdə vəziyyətin sakit olduğunu bildirib: "Bir qədər öncə günəşə baxmışam, tamamilə sakit vəziyyətdir. Yanvarın 7-də böyük alışma olmuşdu, ondan sonra tamamilə sakitdir. Arada az güclü və yerə yönəlməmiş alışmalar baş verir. Bu da təhlükəli deyil".
Qeyd edək ki, Rusiya Fövqəladə Hallar Nazirliyinin açıqladığı
məlumata görə, 2014-cü ildə 30-a qədər geomaqnit fırtınası
proqnozlaşdırılır, bunlardan 8-nin güclü və çox güclü olacağı
gözlənilir.
Bu il ərzində 30-ə qədər geomaqnit fırtınası proqnozlaşdırılır, bunlardan 8-nin güclü və çox güclü olacağı gözlənilir
APA-nın "RİA Novosti"yə istinadən verdiyi məlumata görə, bunu Rusiya Fövqəladə Hallar Nazirliyi açıqlayıb.
Ümumən 2014-cü ildə günəş aktivliyinin tədrici azalması davam edəcək, bununla yanaşı, müəyyən dövrdə güclü günəş alışmaları ilə müşayiət olunan yüksək aktivlik də gözlənilir.
Rusiya FHN ötən il 32 geomaqnit fırtınasının qeydə alındığını, onlardan 2-nin böyük və çox böyük olduğunu da qeyd edib.