Azərbaycandan xaricə övladlığa verilən uşaqlar əməliyyat olunur-Özəl
Azərbaycanda 2013-cü il ərzində xarici vətəndaşlara 8 uşaq
övladlığa verilib. Bu məlumatı Movqe.az-a
danışan Ailə, Qadın və Uşaq Problemləri üzrə Dövlət
Komitəsinin ölkələrarası övladlığa götürülmə sektorunun müdiri
Seymur Məmmədov verib. S. Məmmədov bildirib ki, 2012-ci illə
müqayisədə xarici vətəndaşlara övladlığa verilən uşaqların sayında
artım olmayıb. S. Məmmədov xarici vətəndaşlara verilən uşaqların
fiziki qüsurlu olduğunu da bildirdi. Onun sözlərinə görə, xarici
vətəndaşların övladlığa götürdüyü fiziki qüsurlu uşaqların çoxu
xaricdə yeni valideynlərinin təşəbbüsü ilə əməliyyat olunaraq
sağlamlıqlarına qovuşurlar.