Azərbaycanın xarici işlər naziri Elmar Məmmədyarov Fransanın paytaxtı Parisə yola düşüb. Azərbaycan XİN-in mətbuat xidmətinin rəhbəri Elman Abdullayevin APA-ya verdiyi xəbərə görə, nazir Parisdə ATƏT-in Minsk Qrupunun həmsədrləri ilə görüşəcək. Yanvarın 24-də isə E. Məmmədyarovun Ermənistanın xarici işlər naziri Edvard Nalbandyanla görüşü nəzərdə tutulub. Görüşdə Dağlıq Qarabağ münaqişəsinin sülh yolu ilə həllinə dair müzakirələr davam etdiriləcək.

Xatırladaq ki, nazirlərin görüşü barədə razılıq həmsədrlərin ötən ilin dekabrında bölgəyə səfəri zamanı əldə olunub.