Məşhur türk müğənnisi 1 yaşlı övladı ilə vidalaşdı
Türkiyənin tanınmış müğənnisi İbrahim Tatlıses boşandığı həyat
yoldaşı Ayşegül Yıldız və qızı Elif Ada ilə Kuşadasında görüşüb.
Movqe.az ANS PRESS-ə istinadən xəbər verir ki, İbo Ayşegül Yıldızla
birlikdə çəkdirdiyi fotoları "İstagram" səhifəsində paylaşıb.
Şəkillərin altında isə "Elif Ada ilə vida qəhvəaltısında. Bu gün
qızımın günüdür. Anasına təşəkkürlər", - deyə yazıb. Qeyd edək ki,
11 il sevgili olduqdan sonra 2011-ci ildə başından güllələnən
İbrahim Tatlıses Ayşegül Yıldız ilə xəstəxanada evlənmişdi. Bu
evlilikdən onların aprel ayında 1 qız övladı dünyaya gəlib. Məşhur
sənətçi İbrahim Tatlıses ötən ilin noyabr ayında həyat yoldaşı
Ayşegül Yıldızdan boşanıb. Boşanmaya səbəb isə cütlük arasındalı
anlaşılmazlıq göstərilib.